Paalam, Mahal ko (Tagalog Spoken Word Poetry)

“Pinapalaya na Kita”

--Reuben Wiarts

Hello Mahal, kumusta kana? Sana okay ka lang.

Alam mo ba, miss na miss na kita.

Miss na miss ko na yung yakap mo.

Miss na miss ko na yung mga halik mo.

Miss na miss ko na yung nilalambing mo

ako kapag nagtatampo ako sayo.

Kung alam mo lang, palaging ikaw

ang tumatakbo sa isipan ko.

Sa bawat paggising ko sa umaga ay ikaw,

Ikaw ang aking nakikita.

Ikaw ang aking naalala.

Sa bawat pagsapit ng gabi, hindi ako makatulog

Dahil naalala ko ang nakaraan natin.

Lalo na yung mga masasayang alaala na pinagsaluhan natin.

Yung masasayang alaala mula pa nung bata pa tayo

Naaalala mo pa ba yung naghahabulan tayo sa may gilid ng batis.

at yung naglalaro tayo ng bahay-bahayan.

 Kunwari ay ikaw daw ang ilaw ng tahanan

at kunwari ay ako naman ang haligi ng tahanan.

At si browny, ung aso mo, kunwari siya naman yung anak natin.

 Nakakamiss no. Parang kailan lang. Parang kahapon lang.

Ang dami nating pangarap sa isa’t isa.

Yung panagarap nating makabuo ng sarili nating pamilya.

Yung dati nating nilalarong bahay-bahayan.

Pangarap natin pareho yun diba,

yung magkaroon tayo ng sarili nating bahay.

Kasama ang mga magiging 3 anak natin.

Sampo sana kaso sabi hindi mo kaya.

Pero, mahal, ba’t mo ako iniwan.

Yung pangarap natin na maikasal

Yung pangarap nating mahalikan natin

ang isa’t isa sa harap ng altar.

Hindi na natuloy kasi, kasi iniwan mo na ako.

Pasensiya na ha kong ngayon lang ako dumalaw.

Tatlong taon na din pala yung nakalipas no.

Tatlong taon…

Tatlong taon akong nagdusa sa sakit

Tatlong taon,  mulang ng…  mula ng iwan mo ako.

Hindi ko matanggap

Hindi ko matanggap sa sarili ko na sa haba ng pinagsamahan natin.

Sa dami ng mga alaala na pareho natin nilikha

Sa mga pangarap natin na sabay nating aabutin

Ay hanggang dun lang pala tayo

Hanggang dun lang pala magtatapos ang kwento natin.

Ang kwento na ating pag-iibigan.

Marami pa sana tayong mga alaala na pagsasaluhan

Marami pa sana kaso, iniwan mo ako.

Pero mahal, 
Gusto ko lang sanang sabihin na okay na ako
Tanggap ko na ang lahat

Kaya’t narito ako ngayon,

Nakaupo sa harap ng puntod mo.

Hindi ko man maiintindihan sa ngayon
kung bakit ka kinuha ng Diyos sa akin

Pero alam kong darating di ang araw na mahahanap ko ang sagot.

Darating din yung araw na maiitindihan ko ang lahat.

Kaya't mahal, handa na ako.

Handa na akong palayain ka

Handa akong palayain ka sa puso ko

At handa na akong palayain ang sarili ko sa kahapon natin

Sa mga alaala ng ating nakaraan.

Pinapalaya na kita.

Mahal na mahal na mahal kita at maraming salamat
Dahil naging parte ka ng buhay ko.

Paalam, paalam aking mahal…….